NUMERUS Aureus

NUMERUS Aureus

Computistis dicitur Cyclus Lunaris seu Decemonovennalis, in eum finem institutus, ut, quatenus pertotam seriem Calendarii deducitur, omnia demonstret Novilunia, ac illud speciatim, a quo supputata Luna 14. indigitat Pascha. Quippe annô 1. Cycli, v. g. ubicumque in Calendario, ac per menses singulos inscriptum vides aurtum Numerum I. ipse indicat, Novilunium eô die contingere, vel contigisse; ac pari modô annô 2. ubicumque vides aureum Numerum 2. annô 3. atque ita porro, quousque annis Cycli expleris tum ad unitatem redeatur, tum Novilunia iisdem diebus eôdemque ordine recurrant. Aurcum autem appellari aiunt Numerum, seu quod olim aureis literis inscriberetur, seu propter inventionis et usus eius excellentiam. Graecis Ἐννεακαιδεκαετηρὶς dicitur primumque auctorem Metonem habet. Vide in voce Meton, et plura hanc in rem apud Durandum Ration. l. 8. c. 11. Vost. de Mathemat. et Car. du Fresne Glossario, qui de usu eius versus satis antiquos hos ex Codice MS. Victorino exhibet:

Aureus hâc arte Numerus monstratur aperte,

Principium iam qui totius est caput anni.

Ternarium retinet, ne posterus ordo vacillet.

Maiori numero debetur tertius ordo.

Si minor assequitur numerus, tunc continuatur.

Excipe sex menses, Iulium prius, atque sequentes.

His quamvis crescat undenis summa propinquat,

Octavus numerus sequitur, nec continuatur.

Tres Februi quarto Nonarum rontinuato.

Quarto apponas sub Aprilis pridie Nonas,

Tot Iunius laterat, ubi Nonas quatuor aptat.

Augusti capite tres debet continuatre.

Quatuor Octobris lateratum pone Kalendis.

In quarto Nonis duodeni denique mensis,

Linea tredecimum tenet una, simulque secundum.